Եփութուխ:Պարսկական ավանդական պաղպաղակ

Պարսկական ավանդական պաղպաղակ

Կատեգորիա՝	պարսկական խոհանոց
Ժամ՝	7 ժամ
Դժվարություն՝

Պարսկական ավանդական պաղպաղակը պարունակում է զաֆրան և սալեբ (օրքիդազգիների ազգից բույսի արմատի փոշուց/ալյուրից): Այն ավանդաբար մատոցվում է երկու հարթ վաֆլիի միջև՝ ինչպես պատառ: Այն նաև աչքի է ընկնում իր մեջ պարունակող սառեցված սերուցքի կտորներով, և հաճախ իր մեջ ավելացնում են նաև պիստակի կտորներ:

Բաղադրություն

1 լիքը ճգ սալեբ
1 լ կաթ
4 ճգ ջրով բացած զաֆրան
1 բաժակ շաքարավազ
1/2 բաժակ վարդաջուր
200 գ սերուցք (կամ կաթի սէր)
Մի քիչ պիստակ զարդարման համար

Պատրաստման եղանակ

Մարմանդ կրակի վրա և ձեռքի խառնիչով խառնելով կաթը եռման հասցնել:
Շաքարավազը և սալեբը միասին խառնել, և քիչ քիչ ավելացնելով կարթին՝ 5 րոպե խառնել:
Անջատել կրակը և ավելացնել զաֆրանը և վարդաջուրը: 5 րոպե խառնել խառնիչով:
Այլ ամանի մեջ սառույց լցնել և խառնուրդով կաթսան դնել մեջը, ապա խառնուրդը գդալով խառնել մինչ հովանա:
Խառնուրդը փակել (հնարավոր է ալյումինե թիթեղով) և 45 րոպե դնել սառցարան:
Սառցարանից հանել խառնուրդը, խառնել, փակել, և դարձյալ կես ժամ վերադարձնել սառցարան:
Ընթացքում սերուցքը ձեռքի խառնիչով 1 րոպե խառնել, ապա գազօջախի տափակ ամանում սննդային թաղանթ փռել և սերուցքը սփռել վրան: Ծածկել և դնել սառցարան՝ 1 ժամ սառելու:
Ապա մանրացրած պիստակը և կորտրատած սերուցքը ավելացնել պաղպաղակին խառնել, և խառնուրդը ծածկել ու վերադարձնել սառցարան՝ 5 ժամ սառելու:
Պաղպաղակն այնուհետև պատրաստ է: Այն կարելի է լցնել վաֆլիների մեջ կամ տեղադրել երկու հացանման վաֆլիի արանքում, և զարդարել պիստակով կամ սառեցրած սերուցքի կտորներով, և հաճույք ստանալ:

Լոս Անջելեսի հայտնի Աքբար Մաշթիի ավանդական պաղպաղակը՝ վաֆլիներով
Դրսի պաղպաղակ
Պաղպաղակի պարսկական դանակ, պատրաստված 1872-1904 ժամանակաշրջանում
Սրճարան Չալուսի ճանապարհին, որտեղ մատուցվում է ավանդական պաղպաղակ