Ֆիզիկա/Թեստեր/4

Անհավասարաչափ շարժում: Միջին - ակնթարթային արագություններ: Արագացում

1. Ո՞ր շարժումն է կոչվում անհավասարաչափ:
   
   Այն շարժումը, որի ընթացքում գոնե երկու հավասար ժամանակամիջոցներում մարմինը կատարում է անհավասար տեղափոխություններ, կոչվում է անհավասարաչափ կամ փոփոխական շարժում:
   
   
2. Ի՞նչ է ցույց տալիս միջին արագությունը:
   
   Անհավասարաչափ շարժման միջին արագությունը ցույց է տալիս այն հավասարաչափ շարժման արագությունը, որի դեպքում շարժվող մարմինը նույն ?տեղափոխությունը կատարում է նույն t ժամանակում, ինչ որ անհավասարաչափ շարժման դեպքում:
   
   
3. Ի՞նչ բանաձևով են հաշվում անհավասարաչափ շարժման միջին արագությունը:
   
   ${\vec {v}}_{\text{միջ}}={{\vec {s}} \over t}$
   
   
4. Ի՞նչ է ակնթարթային արագությունը:
   
   Ակնթարթային արագությունը ժամանակի տվյալ պահին կոչվում է մարմնի միջին արագությունը բավականաչափ փոքր $\Delta t$ ժամանակամիջոցում, որն ընդգրկում է տվյալ պահը:
   
   
5. Ի՞նչ ուղղություն ունի ակնթարթային արագությունը:
   
   Ակնթարթային արագության ուղղությունը հետագծի յուրաքանչյուր կետում համընկնում է այդ կետով անցնող փոքր $\Delta {\vec {s}}$ տեղափոխության ուղղության հետ: