Կենսաբանություն/տեստեր/լուծումներ/խնդիրներ/հարցեր23

Վիքիգրքեր-ից
Անցնել դեպի նավարկություն, որոնել

36.Մարդը նախաճաշին կերավ 100 գ ցորենի հաց,25 գ կարագ և խմեց 200 գ կովի կաթ:Հաշվել տվյալ նախաճաշի էներգետիկական արժեքը:

37.Մարդը ճաշին կերավ 150 գ ցորենի հաց,20 գ հոլանդական պանիր,100 գ տավարի միս,50 գ թարմ պոմիդոր,100 գ բրինձ և 50 գ թարմ խնձոր:Հաշվել այդ ճաշի էներգետիկական արժեքը:

38.Հաշվել 100 գ ոլոռի,նույնքան կորեկաձավարի,խոզի յուղալի մսի և հալած յուղի էներգետիկական արժեքները:

39.Հաշվել 100 գ աշորայի հացի,նույնքան կարտոֆիլի,շաքարավազի և տավարի հալած ճարպի էներգետիկական արժեքները:

40.Մարդը նախաճաշին կերավ 100 գ ցորենի հաց,100 գ թթվասեր,50 գ ոչ յուղալի կաթնաշոռ և 20 գ շաքարավազ:Հաշվել տվյալ նախաճաշի էներգետիկական արժեքները:

41.Հաշվել 200 գ սպիտակահատ ձավարի,նույնքան գազարի,թարմ վարունգի,բուսական յուղի և թարմ ձկան էներգետիկական արժեքները:

42.Մարդու ընդունած սննդի էներգետիկական արժեքը 19600 կջոուլ է:Ֆիզիկական աշխատանք կատարելիս մարդու մարմնից գոլորշիացավ 400 գ քրտինք:Ստացված էներգիայի ո՞ր տոկոսը հեռացավ օրգանիզմից քրտինքի գոլորշիացման հետևանքով:

43.Մարդը նախաճաշին կերավ 100 գ աշորայի հաց,100 գ թթվասեր,25 գ կարագ և խմեց 200 գ կովի կաթ,ճաշին՝ 100 գ ցորենի հաց,50 գ կորեկաձավար,150 գ խոզի յուղալի միս,100 գ թարմ վարունգ և 100 գ թարմ պոմիդոր,ընթրիքին՝ 50 գ ցորենի հաց,25 գ հոլանդական պանիր և խմեց 200 գ կովի կաթ:Ճաշից հետո զբաղվեց ֆիզիկական աշխատանքով,որի ժամանակ մարմնից գոլորշիացավ 200 գ քրտինք:Օրվա ընթացքում ստացած էներգիայի ո՞ր տոկոսը հեռացավ օրգանիզմից քրտինքի գոլորշիացման հետևանքով:

44.Ֆիզիկական աշխատանք կատարելիս մարդու մարմնից գոլորշիացավ 0,5 կգ քրտինք:

ա)Ինչքա՞ն ջերմություն հեռացավ օրգանիզմից քրտինքի գոլորշիացման հետևանքով:

բ)Ինչքա՞ն ջերմություն հեռացավ մաշկի 1 սմ2 մակերևույթից:

45.Օրգամիզմից քրտինքի գոլորշիացման հետևանքով հեռացավ 735 կջոուլ ջերմություն:

ա)Ինչքա՞ն քրտինք է գոլորշիացել օրգանիզմից:

բ)Որքա՞ն քրտինք գոլորշիացավ մաշկի 1 սմ2 մակերևույթից:

46.Մարդու մաշկը պարունակում է 2,0-2,5 մլն քրտնագեղձեր:Որոշել քրտնագեղձերի քանակը մաշկի 1 սմ2-ում:

47.Մեկ ժամում քանի՞ լիտր արյուն է անցնում երիկամներով մարդու հարաբերական հանգստի վիճակում,եթե սիստոլային ծավալը 70 մլ է:

48.Մոտավորապես որքա՞ն ջուր է հեռանում օրգանիզմից երկրորդային մեզի (խտությունը 1,05 գ/սմ3) հետ միասին:

49.Առաջնային մեզի պարունակությունից (0,03 %) քանի՞ տոկոս ջուր պետք է ներծծվի երկրորդային մեզում միզանյութի համապատասխան կոնցենտրացիան (2,0 %) ստանալու համար:

50.Բարձր դասարանի աշակերտի նորմալ կենսագործունեության համար անհրաժեշտ էներգիայի քանակը մեկ օրում մոտ 10500 կջոուլ է:Այդ էներգիան քանի՞ աստիճանով կբարձրացներ 70 լ ջրի ջերմաստիճանը:

51.Ծանր ֆիզիկական աշխատանքով զբաղվող մարդը օրական կարող է ծախսել մոտ 18000 կջոուլ էներգիա:Եթե չլինեին ջերմակարգավորման մեխանիզմները,ապա այդ էներգիան քանի՞ աստիճանի կհասցներ 80 կգ քաշ ունեցող մարդու մարմնի ջերմաստիճանը,ընդունելով,որ այդ մարդու ջերմաստիճանը 1°С-ով բարձրացնելու համար անհրաժեշտ է այնքան էներգիա,ինչքան 80 կգ ջրի համար:

Պատասխաններ

36.2423 կջոուլ:

37.4312 կջոուլ:

38.1349,44 կջոուլ;1349 կջոուլ;1706 կջոուլ;3657 կջոուլ:

39.810 կջոուլ;352,4 կջոուլ;1728 կջոուլ;3471 կջոուլ:

40.2887,5 կջոուլ:

41.Սպիտակահատ ձավար՝ 2863,4 կջոուլ,գազար՝ 300,7 կջոուլ,թարմ վարունգ՝ 95,8 կջոուլ;բուսական յուղ՝ 7608,8 կջոուլ,թարմ ձուկ՝ 396,1 կջոուլ:

42.5 %

43.Մոտ ` 5,2 %

44.ա)1225 կջոուլ;բ)61-82 ջոուլ:

45.ա)300 գ;բ)0,015-0,02 գ:

46.Մոտ 100-167:

47.63 լ:

49.98,5 %:

50.35,8°С:

51.90,3°С: