Եփութուխ:Շոկոլադե ֆոնդան

Վիքիգրքեր-ից
Jump to navigation Jump to search
Շոկոլադ ֆոնդան
Chocolate Fondant.jpg
Կատեգորիա՝աղանդեր
Չափաբաժին՝6
Ժամ՝22 ր
Դժվարություն՝Հեշտ

Շոկոլադե ֆոնդան, հայտնի է նաև բրաունի անվամբ, շոկոլադե հեշտ պատրաստվող աղանդերի տեսակ է: Ըստ խոհարարական առասպելի, առաջացել է, երբ խոհարարը, շտապելով հասցնի պատվերը հաճախորդին, ջեռոցից շուտ է հանել:

Բաղադրություն[խմբագրել]

  • 2 հավկիթ և 1 հավկիթի դեղնուց
  • 50 գրամ շաքարավազ (1 սրճի բաժակ)
  • 75-100 գրամ ալյուր (1.5-2 սրճի բաժակ)
  • 180-200 գրամ շոկոլադ (2 հատ շոկոլադի սալիկ)
  • 1 պտղունց վանիլ
  • 1 աղի գդալ սոդա
  • 50 գրամ կարագ
  • 6 հատ 5 սմ տրամագծով կլոր կաղապար
  • 6 հատ ձևավոր յուղաթուղթ

Պատրաստման եղանակ[խմբագրել]

  1. Ջեռոցը տաքացնել 250°Ց
  2. Շոկոլադի սալիկը կտրատել, լցնել սրճեփի մեջ, ավելացնել կարագը և հալեցնել:
  3. Հավկիթը շաքարավազի հետ գդալով խառնել, ավելացնել սոդան և վանիլը. խառնուրդին ավելացնել հալած շոկոլադը:
  4. Վերջում ավելացնել ալյուրն այնքան, մինչև ստացվի թթվասերի խտությամբ զանգված:
  5. Յուղաթուղթը տեղադրել կաղապարի մեջ, ավելացնել խմորը և դնել տաք ջեռոցում:
  6. 7 րոպեից հետո հանել ջեռոցից:
  7. Մատուցել վանիլային պաղպաղակի գնդիկի հետ, տաք վիճակում: Կարելի է զարդարել թարմ նանայի տերևով և թթվաշ հատապտուղների օշարակով:

Խորհուրդ[խմբագրել]

7 րոպե ավել պահելու դեպքում, խմորեղենի մեջը կթխվի, որը կկորցնի շոկոլադե լավայի ժայթքումը: